في ظل انتشار فيروس كورونا، بقينا ناخد بالنا من كل إجراءات الوقاية المختلفة. وده بيشمل نوع الأكل بتاعنا، علشان نهتم بالمناعة ونقويها. وزي ما فيه أطعمة بتقوي المناعة، فيه أطعمة تانية بتأثر عليها وتضعفها. تعالوا نعرف إيه هي الأطعمة دي:
الملح
الإفراط في الملح بيقلل كفاءة الجهاز المناعي، وبيصعب على الجسم مقاومة الفيروسات. منظمة الصحة العالمية بتنصح البالغين، باستهلاك حوالي ملعقة صغيرة أو 5 جرامات بس من الملح يوميًا.
السكر
السكر بيقلل قدرة الجسم على مواجهة الجراثيم، وبيسبب أمراض مختلفة. تناوُل معلقة سكر واحدة، بيضعف جهاز المناعة بنسبة 50% لمدة 6 ساعات.
المشروبات الغازية
المشروبات الغازية تحتوي على كميات كبيرة من السكر والمواد الصناعية، اللي بتدمر جهاز المناعة بشكل سريع. كمان بتغير مستوى السكر في الدم، ده بيخلي الجسم عرضة للاصابة بأي فيروس أو عدوى بشكل كبير.
الأطعمة المصنعة
اللحوم المصنعة والوجبات السريعة، مادة خام للدهون غير المشبعة والمواد الحافظة والملح. وكلها بتقلل من مناعة الجسم.
الحلويات
الحلويات والعصائر المعلبة تحتوي على نسبة عالية من السكر والألوان الصناعية ومكسبات الطعم. وطبعًا الإفراط في تناولها له نفس أضرار السكر على الجسم وبيضعف مناعته.
الأطعمة الدهنية
المقليات واللحوم الغنية بالدهون، بتسبب الالتهابات في الجسم في كل مرة بتاكلها. يُفضل استبدالها بالبقوليات زي العدس، الفاصوليا، والأطعمة التانية الغنية بالبروتين.
