نشرت النجمة نيللي كريم صور جمعتها بالفنان آسر ياسين، من خلال حسابها بإنستجرام. وكتبت على الصور "هتوحشونا.. الجزء التاني قريبًا"، في إشارة لمسلسل "بـ 100 وش". الأمر اللي أثار جدل كبير بين رواد مواقع التواصل، إن الثنائي بيصوروا الجزء التاني من المسلسل بالفعل.

وفي مداخلة هاتفية لبرنامج "مساء dmc "، علقت نيللي على الضجة دي وقالت إنها قابلت آسر بالصدفة في المصيف. فاتصوروا مع بعض شوية صور ونشرتها على حسابها عادي. وأكدت إن الجزء التاني من المسلسل مش هيكون في 2021. وإن فريق العمل بيفكر في جزء تاني من "بـ 100 وش"، ومتوقع يكون في 2022.

أضافت نيللي إن الفكرة موجودة لكن هتاخد وقت في التنفيذ، علشان يطلع العمل بنفس جودة الجزء الأول.

مسلسل "بـ 100 وش" بطولة آسر ياسين ونيللي كريم وعلا رشدي ومصطفى درويش وشريف دسوقي. تأليف أحمد وائل وعمر الدالي، ومن إخراج كاملة أبو ذكري.