أعلن النجم عمرو دياب، عن إطلاق خط أزياء جديد خاص به، خلال الفترة الجاية، هيكون اسمه "34"، وده طبعًا عدد سنين احترافه الغناء.
View this post on Instagram
ومن خلال حسابه الرسمي على"إنستجرام"، نشر الهضبة صور من حفلته الأخيرة في الساحل الشمالي، وكان لابس يومها تيشرت وسلسلة مكتوب عليهم "34"، كنوع من الترويج لمشروعه الجديد.
بيضم الخط ده أكثر من 100 منتج، بتشمل "ملابس، نظارات طبية، شمسية، منتجات جلدية، وخط كبير للإكسسوارات"، وهيتم تصنيع الأزياء من أقمشة إيطالية عالية الجودة، بروح شبابيه شيك زي ما عودنا الهضبة، وهتكون متاحه في كل مكان في العالم.
