كل يوم والتاني بتفتح في القاهرة، ستديوهات للرقص بأنواعه، وفي المقال ده، هنكلمكوا عن الـ"Poi Dance" أو "البوي"، وللي ميعرفوش النوع ده من الرقص، أو حتى عارفينه بس مش عارفين اسمه، إحنا هنقولكوا.. تكنيك رقص "البوي" بيعتمد على إن الشخص بيمسك في إيده كور دوارة، بتختلف محتوياتها ساعات بتكون إضاءات ليد ملونة مبهجة، والمحترفين بيستخدموا النار، بالمناسبة بيساعد على تهدئة العقل.
ودي 3 أماكن هتعلمكوا "Poi Dance" في القاهرة:
Danzone Dance Studio
موجودين في شارع بشير نعمة، متفرع من ميدان هليوبوليس، المكان بيضم راقصين على أعلى مستوى من الاحترافية، وبينظموا كلاسس في أماكن بره الاستديو نفسه.
تقدروا تتواصلوا معاهم من هنا.
The Pole Room
مكانهم في صن سيتي مول، مصر الجديدة، الدروس بتكون ميكس (بنات وولاد)، وكمان بيعملوا عروض للأصدقاء. سعر الكلاس: 275 جنيه.
ودي صفحتهم على إنستجرام، هتلاقوها هنا.
Ahimsa Egypt
حرك جسمك بإريحية، وجرب رقص "البوي" مع المدرب أحمد طارق في "Ahimsa Egypt"، مدة الكلاس ساعة ونص، مكانهم في منيل شيحة، بالمعادي، ممكن تهربوا من الزحمة وتوصلوا ليهم بـ تاكسي نايل.
اعرفوا تفاصيل أكتر من هنا.
