مع قرب الاحتفال بعيد الأضحى، بتجدد وزارة الزراعة نصائحها للمواطنين قبل شراء الأضحية، يقدر من خلالها أي شخص بمجرد النظر، يتأكد بنفسه من صحة وسلامة الخروف.

ودي أهم نصائح اختيار الخروف:

1- الابتعاد عن الخراف اللي فروها كثيف، لإنها بتخدع المشتري إن لحمها كتير، وضروري يكون الصوف ناعم ونظيف.

2- الوزن المثالي للخروف بيكون بين 50 لـ 60 كيلو. وأفضل سن بيكون من سنة ونص لسنتين، لأن اللحم بيكون أفضل في الطهي ومش بياخد وقت.

3- ممكن التعرف على سن الخروف من أسنانه: لو متساوية فهو صغير - لو عنده "جوزين" كبار في الأمام يبقى في سن الرشد المناسب للشراء - لو أسنانه كلها كبيرة يبقى عجوز، وُيفضل عدم شرائه لإنخفاض جودة لحمه.

4- الضغط على جانبي بطن الخروف، للتأكد إذا كانت مليانة أو لأ. لأن الملح بيسبب امتلاء غير طبيعي، وده يعتبر غش من البائع.

5- التأكد أن الأضحية خالية من أي عيوب شرعية. ماتكونش مريضة، عوراء، عرجاء، كبيرة أو هزيلة.

6- اختار خروف نشيط الحركة وابعد عن الكسلان أو مطأطأ الرأس.

7- تجنب الشراء من الباعة الجائلين.