تعرف إن الراجل اللي بيعرف يطبخ، في الغالب بيكون ناجح في علاقاته العاطفية، وفاهم الست كويس! والدليل إنك لو سألت أي ست عن رأيها في الراجل اللي بيعمل أكل، هتقولك فورًا هو ده الاختيار المظبوط، الموضوع كمان ليه أبعاد رومانسية بالمناسبة، بتأثر بشكل مباشر على نجاح العلاقات، أيوه زي ما قرأت كده..
فا تعالوا نعرف الأسباب سوا:
1- علامة بتقول إنه حساس وذكي
علشان تعمل أكلة، أنت محتاج صبر لحد ما تستوي، ومهم كمان ترضي ذوق شريكك، ودي صفات بتبني علاقات قوية وصحية، فالراجل اللي بيطبخ بنسبة كبيرة هتلاقيه مستمع جيد، حساس لاحتياجات شريكته، وقادر يكون مرن معاها.
2- دعم وسند وبيفصل في الأوقات الصعبة
الحياة مش دايمًا مريحة، تخيلي رجعتي البيت بعد يوم مش لطيف، وشريكك قرر يعملك الأكلة اللي بتحبيها من إيده، تخيلتي! أهو الإحساس ده مع ريحة مكونات الطبخة، قادرين ينسوكي أي ضغط عيشتيه، وكمان هتحسي إن شريكك هو الركن المريح في عالم الوحوش اللي بره ده.
3- الطبخ علامة حب عالمية
الأكل بيقرب الناس من بعض، والرجل اللي بيطبخ، بيقدر يعمل ذكريات حلوة مع شريكته، كونه وقف في المطبخ علشان يدوقها طبخه تعجبها من إيده، نقدر نقول إنه نوع من أنوع التعبير عن الحب بطريقة طعمها حلو.
4- علامة قوية على إنه رجل غير تقليدي
الستات بتنجذب أكتر للراجل اللي بيفكر بره الصندوق، ببساطة الغير تقليدي، واللي ميشبهش غيره من الرجالة، والطبخ علامة قوية جدَا بتميز راجل عن التاني، الطبخ كمان فن، تجربة الوصفات والأكلات بتحتاج جانب إبداعي.
5- مسئول عن نفسه وعن شريكته
مش بس بيعرف يأكل نفسه، لأ ده دليل كمان على إنه هيهتم بالست اللي معاه في أي وقت حلو أو حش، وهيشاركها مسؤليات البيت.
