الصورة من: cleobuttera 

معظمنا بيستنى رمضان علشان يستمتع بطعم الكنافة والقطايف والبسبوسة وكمان تريندات حلويات رمضان اللي بتظهر كل سنة، فبمجرد ما بنخلص فطارنا بندخل على الحلو، تحس إن عندنا تارجت نخلص على كل الحلويات اللي قدامنا والمشكلة إنه بيستمر معانا للسحور.

وهنا بقى بندخل جسمنا في مشاكل صحية وإحنا مش واخدين بالنا، فتعالوا نعرف في السطور الجاية إمتى ناكل حلويات في رمضان وإحنا مطمنين؟

كشف الدكتور كريم جمال أخصائي التغذية العلاجية، إن تناول الكنافة والقطايف أو الحلويات بشكل عام في وقت السحور،بيسبب حالة من الإجهاد في اليوم التالي من الصيام، بجانب الإحساس بالعطش الشديد.

ونصح بأن أفضل وقت لتناول الحلويات هو بعد ساعة بعد تناول الفطار، علشان يكون الجسم متشبع بعناصر غذائية بتحتوي على ألياف وبروتينات زي الموجودة في الخضروات واللحوم، هتساعده على امتصاص السكريات.

وبشكل عام أكد إن أفضل وقت نقدر ناكل فيه حلويات، هيكون بعد الوجبة الرئيسية اللي هي بعد الإفطار، وطبعًا نكتر بعدهامن شرب المياه لإنها هتساعد على ذوبان السكريات، وبكده إحساسنا  بالعطش خلال الصيانة تاني يوم هيقل.