كتير مننا بيسب أدوات وأشياء بيستخدمها يوميًا في العربية، سواء لوقت قليل أو لأيام، من غير ما ناخد بالنا إننا ممكن في لحظة ننهي حياتنا، بالذات مع ارتفاع درجات الحرارة اللي بنعاني منها خلال شهور الصيف الحارة.

علشان كده وبعد تكرار حوادث انفجار العربيات، حابين نفكركم بشوية حاجات لازم تشيلوها من عربياتكم طول الصيف:

1- أزايز المياه البلاستيك أو الأزايز البلاستيك عمومًا، لو متعرفش أزايز المياه البلاستيكية، بتحتوي على مواد كيميائية ضارة، ممكن تتفاعل مع الحرارة العالية وأشعة الشمس، وتزود فرص الإصابة بأمراض خطيرة زي: القلب والسرطان.

2- من أخطر الحاجات اللي بتسبب حرائق في العربية، هي الأجهزة الإلكترونية، موبايلات، بطارات، باور بانك، شواحن، سماعات سلك.

3- العطور وأزايز الكحول، من المواد القابلة للاشتعال، بالتالي ماينفعش نسيبها بأي حال من الأحوال في العربيات.

4- ولاعات السجائر، مع إنها تحتوي على نسبة قليلة من الغاز، لكن ده مايمنعش إنها ممكن تسبب حريق كبير في العربية، سواء كانت مصنوعة من حديد أو بلاستيك.

• 5- الأدوية الطبية ومستجضرات التجميل والأطعمة، كلها أشياء ممكن تتحلل تحت درجات عالية من الحرارة، وبالتالي هتكون مؤذية لصحتنا.

وطبعًا مش محتاجين نقول إنه ماينفعش نسيب أطفالنا أو حيوانتنا في العربية حتى لو كان الأمر ضروري.