على ريد كاربت أكبر المهرجانات السينمائية مؤخرًا، شوفنا "رامبو" كلب بلدي مصري أصيل، ساقه القدر يحقق شهرة عالمية، بمشاركة في بطولة فيلم جديد،علشان كده قولنا نفتكر معاكم أبرز الأفلام اللي الحيوانات جزء مهم منها.
أربعة في مهمة رسمية
موظف "أحمد زكي" مهمته توصيل 3 حيوانات عهدة (حمار، قرد، معزة)، لبيت مال القاهرة، وخلال الرحلة دي بتحصل مواقف كوميدية رهيبة.
أونكل زيزو حبيبي
أجيال كتير فاكرة "الديك لهيطة"، خاصة بعد ما عم مدبولي جرب عليه مادة خلت حجمه أضعاف، الفيلم بطولة محمد صبحي، بوسي، إبراهيم سعفان.
شورت وفانلة وكاب
في أول بطولاته المطلقة، اختار أحمد السقا حصانه الأبيض علشان يشارك معاه خلال أحداث الفيلم، وظهرالحصان في مشاهد كتير وكمان وكذلك أغنية الفيلم.
صاحب صاحبه
من ألطف مشاهد الفيلم، كان مشهد دخول محمد هنيدي الحارة وهو راكب على النعامة وبيغني "حبيبي ولا على باله"، أكيد افتكرتوه، هنيدي قال إن المشهد اتعاد أكتر من مرة مكنش سهل خالص.
"البحث عن منفذ لخروج السيد رامبو"
الفيلم لسه ما تمش عرضه في مصر، لكن يعتبر أحدث الأفلام اللي بيظهر فيها حيوانات وبالتحديد كلب، ويعتبر محرك رئيسي للأحداث، الفيلم بطولة عصام عمر.
