استدعت النيابة العامة محمد رمضان، لسماع أقواله في البلاغ المقدم ضده، من قبل شخص اتهم فيه ابن محمد رمضان بضرب ابنه، في أحد نوادي 6 أكتوبر.

الواقعة حصلت لما أعلن أحد الآباء عبر برنامج "الحكاية" تقديم عمرو أديب، عن وقوع خناقة بين ابنه "عمر" وبين "علي" ابن محمد رمضان في النادي، الموضوع كبر وابن رمضان قال لزميله أنت مش عارف أنا ابن مين! واحتجزه في حمام النادي.

وبعد شوية، محمد رمضان وصل النادي بسرعة وعنف الطفل وطلب من ابنه يضرب الولد بالقلم، والأب معاه صور وشهود على الضرب. (حسب أقوال والد الطفل في التحقيقات)

وحسب موقع "المصري اليوم"، محمد رمضان مارحش جلسة النيابة، ولكن من المتوقع يحضر خلال الأيام الجاية ويوضح حقيقة الأمر.