كشف الفنان أحمد العوضي عن رأيه في مؤيدي ظاهرة المساكنة الداخلة على مجتمعاتنا العربية، وقال إن ده نوع من الجهر أو إعلان ممارسة المعصية، الأمر اللي منعه الدين.

وقال كمان في لقائه مع برنامج "Mirror": “المساكنة من الكبائر، يعني إيه أعيش مع ست في بيت واحد قبل الجواز، لا الإسلام ولا المسيحية قالوا كده، ده شئ ضد الدين".

عدد قليل من المشاهير في مصر والوطن العربي أعلنوا ممارستهم للمساكنة قبل الزواج، وهنا قال عنهم العوضي: "أنا مفهمش حد يقول إن المساكنة حاجة كويسة، حتى لو حد جرب، جربت إيه يا عم".

وأضاف "لا أدعي أني مبغلطش، كلنا بنغلط، وأي حد ممكن يقول يا عم ما أنت بتغلط، أحب أقوله أنت ليك منى الظاهر، اللي جوايا بتاع ربنا مش بتاعك".

أحمد العوضي له وجهة نظر حازمة عن المساكنة، بتقول إن مينفعش حد يعلن تجارب زي دي علشان كده بننشرها في المجتمع وبنعلمها للي ميعرفش، واختتم كلامه بـ"مفيش حاجة اسمها مساكنة، وده مينفعش، مينفعش نحلل الحرام".