متابعة المسلسلات دلوقتي خاصة على المنصات الإلكترونية، أصبحت جزء مهم في يوم كتير من عشان الدراما، وشهر أكتر جايبلنا معاه 3 مسلسلات بحواديت متنوعة، تشبه حياتنا.
تعالوا نعرفها:
مطعم الحبايب
بالفعل عرض أول حلقات المسلسل على منصة شاهد، العمل بيتكون من 12 حلقة، بتدور في اإطار اجتماعي لايت.
بيلعب أحمد مالك دور شاب عنده عربية كبدة، وبتجسد هدى المفتي دور بلوجور على السوشيال ميديا، ومع مرور الأحداث هيجمعهم مطعم الحبايب.
بيشاركهم بطولة مسلسل "مطعم الحبايب"، بيومي فؤاد وانتصار وإسلام إبراهيم وسامي مغاوري ومحمود البزاوي وإنعام سالوسة من تأليف مريم نعوم وورشة سرد وإخراج عصام عبد الحميد.
وتر حساس
في نهاية أكتوبر، بالتحديد يوم 27، هيعرض مسلسل "وتر حساس" على قناة "أون" من بطولة صبا مبارك ومحمد علاء.
حدوتة العمل بتدور حوالين الخيانة الزوجية، أبطالها 3 سيدات هم: صبا مبارك بتشتغل دكتورة، إنجي المقدم محامية، وهيدي كرم إدارية في إحدى المصالح، ويظهر محمد علاء، في دور مهندس ديكور ومتزوج من إنجي المقدم، وبنشوف الأحداث بينهم هتؤدي القصة لفين؟
العمل بيتكون من 45 حلقة، ويشارك فيه أحمد جمال سعيد ومحمد العمروسي وهاجر عفيفي وأحمد طارق نور ومحمد على رزق، من تأليف أمين جمال، وإخراج وائل فرج.
6 شهور
من المقرر خلال شهر أكتوبر الجاري، على منصة "واتش إت"، ويعتبر أول بطولة مطلقة لنور النبوي في الدراما التلفزيونية، بعد نجاح أولى بطولاته السينمائية بفيلم "الحريفة".
بتدور أحداث المسلسل في 10 حلقات بس، بيناقش مشاكل الشباب في سوق العمل بعد التخرج، وفي كل حلقة بيظهر نجم جدد كـ ضيف شرف، تأليف عمرو أبو زيد وأحمد هشام، وإخراج مصطفي سولي.
