قرر مدير مطعم لبيع الوافل، طرد فتاة تعمل بالمطعم، من 6 سنوات، والسبب الحقيقة كان غريب شوية بالنسبالها! وشافت إنه قاسي بالنسبة للفعل اللي عملته.

قالت الموظفة إنها خلال وقت العمل، صورت فيديو مع زمايلها وهما بيشتغلوا، كا نوع من التسويق للمطعم وقت الشغل، الفيديو انتشر وبقى تريند وتخطت مشاهدته الـ 25 مليون.

وكانت المفاجأة لما بلغها مدير المطعم واللي كان موجود وقت تصوير الفيديو، إنها خلاص مش هتشتغل معاهم بسبب الفيديو، وكمان اتمنعت من التقديم للعمل في نفس المطعم مدى الحياة.

في النهاية، اعترفت البنت إنها ملتزمتش بسياسة الشركة، واللي بتمنع استخدام الهواتف الشخصية خلال العمل، لكن في نفس الوقت شايفة إنها ماتسببتش في آذى حد لما صورت الفيديو، وإن رد فعل إدارة المطعم رد فعلها كان قاسي.