صحيح الستات بيكونوا مصدر دعم وحب للي حواليهم، لكن كمان بتعدي عيلهم أوقات، بيحتاجوا يشوفوا النور في آخر النفق، مافيش شك إن الدعم والنصيحة من أقرب الناس لينا، مفيش غنى عنه، بس الكلام المدروس والموزون والمتجرب، له تأثيره وسحره الخاص، وإحنا اختارنا لك 5 حسابات مهتمة بالمرأة، هيفيدوكي بجد مافيش كلام، يالا نتعرف عليهم:
سيدات مصر- Women of Egypt
واحدة من أشهر الصفحات الداعمة للمرأة المصرية على السوشيال ميديا، بتنشر بشكل يومي عن نماذج السيدات الناجحات والمكافحات والملهمات، علشان يكونوا مصدر إلهام لغيرهم، كمان بتعمل جولة عن المرأة في الصحافة العالمية كل أسبوع.
هتلاقوهم هنا.
Entreprenelle
بنات وستات كتير، بتلح عليهم فكرة إنشاء مشروع خاص بيها، لكن بتقف قدامهم حواجز، زي إنهم ماعندهمش خبرة أو معلومات عن الأمور المالية وإدارتها مثلًا، وهنا بيجي دور القائمين على Enterprenelle ، اللي بيوضحوا عن طريق "البوستس" اللي بينشروها، نصائح تخص إدارة المشاريع الجديدة، وكمان بيعملوا ورش، بتديرها ستات عندهم بالفعل مشاريع وشركات بتنافس في سوق العمل.
ودي صفحتهم.
Mother being
بتقدم نصائح لطيفة للبنات، هتلاقيهم بيتكلموا بعمق عن حاجات تخصك، يمكنك مكنتيش تعرفي عنها حاجة قبل كده، وده من خلال مواضيع بتشغل بال معظم البنات، يمكن ناس كتير تشوفها بسيطة، لكن في عالم المرأة ممكن تعطل يومها.
ده حسابهم على إنستجرام.
عبارة عن استشارات مجانية، لو بتواجهي مشكلة معينة ومش عارفة تتصرفي إزاي؟ هتلاقي الحل مع دكتور أحمد عزت، ومنعتقدتش إن في مشكلة تخص السيدات والبنات متكلمش عنها، بيرد كمان على الأسئلة المتابعات أول بأول، والأهم إنه طريقته لطيفة وتطمن.
تقدري تتابعيه من هنا.
اتكلم/ ي Speak up
مباردة بتدعم ضحايا العنف بكل أشكاله، بتساعد المتابعات بأرقام بتهم كل مرأة، كمان بتحارب مفاهيم غلط في المجتمع، وبتحاول تشجع على ثقافة تقبل الآخر بكل اختلافاته.
صفحتهم هنا.
