الحقيقة يا جماعة إحنا مش هنجاوب على السؤال ده في المقال خالص، ولا هنقول مميزات الجواز أو عيوبه، ولكن، إحنا زيكوا بالظبط مش عارفين مين اللي بيسأله وبيسأله ليه وياترى الإجابة عليه بـ نعم أو لأ هتفرق في حياة حد ولا هو استطلاع رأي؟! محدش عارف!!!

لطيف جدًا نكون متأثرين بقصة حب بين اتنين مشاهير، ومنطقي نزعل لو علاقتهم انتهت، بس الأهم إن مقياسنا لنجاح العلاقات أو فشلها ما يكونش مبنى على تجربة حد تاني! ويكون لينا مرجع سوى ونثقف نفسنا طول الوقت ونقرأ عن العلاقات أو حتى نلجأ لمتخصصين إذا احتاجنا.

وعلشان نكون منصفين كمان، محتاجين نضم سؤال لسه عايزين تتجوزوا؟ لـ ليست الأسئلة السخيفة إياها، اللي بتقول: بتقبض كام؟ مفيش حاجة جاية في الطريق؟، وهنقول تاني "مبنسألش أسئلة شخصية لحد طالما هو ما أعلنش عنها بنفسه". ولينا مقال تاني هندردش معاكم فيه عن أسئلة مهمة جدًا نسألها لنفسنا لو داخلين على ارتباط أو جواز.