طبيعة أجسامنا بتتغير بشكل كبير في فصل الشتاء، وبنحتاج نهتم بصحتنا بشكل معين عن باقي الفصول، علشان نبعد عن الإصابة بأمراض الشتاء المعروفة ونحافظ على جهاز المناعة بكامل قوته، والنهارده جمعنالكم نصائح صحية شتوية مفيدة، حسب موقع "Coastaluc".
1- كُل أكل صحي
ركز على تناول كميات مناسبة من الفاكهة والخضراوات، وابعد على قد ما تقدر عن الوجبات الخفيفة والمملحة والمعجنات، ومتنساش الأكلات الشتوية الصحية زي: شوربة العدس وحمص الشام.
2- اخرج وشم الهواء
القعدة على الكنبة قدام التليفزيون مغرية جدًا في الشتاء، لكن لو قضيت وقتك كله في البيت هتحرم نفسك من ضوء الشمس الطبيعي، وبالتالي هيقل عندك فيتامين "د"، اللي نقصه ضار بالصحة.
3- اشرب مياه كتير
لما بيدخل علينا الشتاء البعض بشكل لا إدرادي بيقلل شرب المياه أو بيهملها خالص، الأمر اللي بيسبب مشاكل صحية متكررة، مهم نخلي جسمنا رطب بشرب كميات مناسبة من المياه، ومهم كمان نبعد والقهوة والشاي، لإنهم بيسبوا جفاف الجسم أكثر.
4- نام كويس
مهم نلتزم بمواعيد نوم معينة، من 7 لـ 8 ساعات يوميًا في الليل أمر صحي جدًا، والاهم إننا نقاوم رغبتنا في النوم خلال ساعات النهار، ونلعب رياضة ومناكلش قبل النوم مباشرة، علشان ننام نوم عميق ومنقلقش وسط النوم.
5- دفي نفسك دايمًا
لو بتقضي وقت كبير بره البيت، فـ أنت محتاح تدفي نفسك وتحمي جسمك من انخفاض درجات الحرارة والصقيع، علشان ميجلكش نزلات برد.
