مش غريب علينا نشوف لوح فنية وتحف وأنتيكات بتتباع بمبالغ ضخمة في المزادات، لكن الغريب النهارده إننا قدام موزة عادية خالص، سببت جدل وحالة من الذهول في مزاد فني بـ نيويورك.

قرر فنان إيطالي اسمه "ماوريتسيو كاتيلان" معروف بأعماله المتمردة والمثيرة للاستفزاز، يشارك في مزاد بـ موزة لزقها على الحائط بشريط لاصق، على اعتبار إنها عمل فني، كانت حديث الزوار لوقت طويل.

والأغرب إن ثمن الموزة وصل لـ6 مليون دولار في المزاد، وبالفعل حصلت على مشتري، وهو رجل أعمال صيني "جاستن صن"، يمتلك منصة عملات مشفرة.

القصة خلصت هنا لأ، رجل الأعمال عمل مؤتمر صحفي، وقرر ياكل الموزة قدام الحاضرين وقال إن طعمها ألذ من الموز اللي تناوله قبل كده؛ بالمناسبة الموزة أصلًا سعرها كان أقل من دولار.