لتحقيق مبدأ المساواة بين كل أعضاء نقابة المهن الموسيقيية، برئاسة مصطفى كامل، قررت النقابة استدعاء شيرين عبد الوهاب، للتحقيق معاها بعد كلامها عن الملحن الراحل محمد رحيم، واللي سببت جدل قوي مؤخرًا.
وقالت النقابة في بيانها، "إن سلوك شيرين يتنافي تماماً مع كل القيم والمبادئ، ففاتحة كتاب الله ليست هزواً ولا مجال للضحك وقت تلاوتها أو ذكرها وحُرمة الموت لها جلالتها وقدسيتها ووجب إحترامها علي الجميع أياً كان".
وكانت شيرين عبد الوهاب كالعادة في معظم حفلاتها، اتكلمت بطريقة وصفها البعض بـ العفوية خلال حفلتها الأخيرة في الكويت، وقالت كلام اعتذرت عنه، وتصدرت تريند السوشيال ميديا زي ما توقعت بالظبط، وفي لحظة مؤثرة على المسرح، طلبت من جمهورها قراءة الفاتحة للملحن الراحل محمد رحيم وقالت: "محمد رحيم اللي عاملي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية".
وبسرعة اعتذرت شيرين وقالت: "يا جماعة محدش يخليني أتكلم في المايك، حسنة جارية، والله العظيم هيسيبوا كل حاجة ودي هتبقى تريند دلوقتي، يا جماعة أنا اتلخبطت، يا ريت اللي ينزل الفيديو اللي فيه ده أنا بعتذر، بلاش تخلوني أتكلم أنا فضيحة".
