في تجربة نادرة لعشاق التراث البحري والتصوير، استقبلت الإسكندرية واحدة من أشهر السفن الشراعية التاريخية في العالم، السفينة الإيطالية "أميريجو فسبوتشي"، واللي تعتبر أقدم سفينة تابعة للبحرية الإيطالية.

السفينة وصلت لميناء إسكندرية ضمن جولتها العالمية اللي بدأت من يوليو 2023 ومستمرّة لحد يونيو 2025، والإسكندرية كانت المحطة رقم 35 في الرحلة الطويلة دي.

زيارة السفينة "أميريجو فسبوتشي" منحت الزوار، فرصة مميزة قدروا من خلالها يتجولوا جوة السفينة، ويكتشفوا تفاصيلها الهندسية المبهرة، ويصوروا أحلى لقطات تذكارية.

"أميريجو فسبوتشي" اتصنعت في حوض بناء السفن الملكي في كاستيلاماري دي ستابيا، وتم إطلاقها يوم 22 فبراير 1931، وده بيخليها أقدم سفينة لسه في الخدمة في البحرية الإيطالية.

تصميم السفينة كلاسيكي يشبه سفن القرون الوسطى، ولها هيكل فولاذي وأشرعة خشبية، وبتحمل اسم المستكشف الإيطالي "أميريجو فيسبوتشي"، وبيوصفوها بأنها "أجمل سفينة حربية أثرية في العالم".

دي أول مرة من أكتر من 20 سنة ترسو في ميناء مصري، وخلال رحلتها في آخر 20 شهر، زارت أكتر من 30 دولة في 5 قارات، الإسكندرية هتكون آخر محطة ليها قبل ما ترجع إيطاليا في فبراير 2025.

واللطيف إن زيارة السفينة كانت مجانيّة يوم الأحد 16 فبراير، لكل الزوار ولكن بتسجيل مسبق.