واحد من أكثر المسلسلات الرمضانية اللي الجمهور مستني يتفرج عليها في النصف الثاني من رمضان 2025، خاصة إننا هنشوف "الغاوي" أو أحمد مكي بشخصية جديدة غير اللي اتعودنا عليه في رمضان، يعني بعيد خالص عن المزاريطة وحكاويها.

وعلشان متحتاروش كتير بين القنوات، الحلقة الأولى من مسلسل "الغاوي" هتعرض يوم الأحد الجاي 16 رمضان، عبر قناة ON الساعة 7:15 مساء، والإعادة الساعة 11:30 الصبح، وكمان هيعرض على منصة يانجو بلاي.

بتدور أحداث "الغاوي" في إطار شعبي حول شخصية "شمس العدوي"، شاب من شباب حي الجمالية بمصر القديمة، معروف بشغفه في تربية الحمام ومهارته الكبيرة في تربيته، في نفس الوقت ماشي في طريق البلطجة والإجرام، وبعد موقف معين بيتعرض له واحد من أصدقائه، بيقرر يبعد عن الطريق ده ويتوب، بس ياترى الحياة هتسيبه؟ ده اللي هنعرفه خلال الأحداث.

مسلسل الغاوي من تأليف طارق كاشف ومحمود زهران، وإخراج ماندو العدل، وإنتاج شركة سينرجى، وبطولة أحمد مكي، عائشة بن أحمد، عمرو عبدالجليل، أحمد بدير، أحمد كمال، محمد لطفى، ولاء الشريف، كرم جابر، هاجر عفيفي، أبيوسف، تامر شلتوت، وضيف الشرف كزبرة.