انتشرت صورة لدوبلير راجل بيقدّم مشهد بدل غادة عبد الرازق في مسلسل "شباب امرأة" اللي اتعرض في رمضان اللي فات، وجمهور السوشيال بدأ يتسأل عن السبب، ومحدش وصل لتفسير مقنع.

ومؤخرًا علقت رانيا منصور أحد الفنانين المشاركين في العمل، وقالت خلال لقائها مع بيج "One Take": "أستاذة غادة ما شاء الله طويلة، فكان صعب نجيب لها دوبلير ست يكون جسمها وطولها زيها، وده غالبًا السبب اللي خلاهم يستخدموا دوبلير راجل، وهي اتريقت على الموضوع واتصورت معاه، وكان دمه خفيف".

غادة كانت بتقدّم شخصية "شفاعات" اللي لعبتها قبل كده تحية كاريوكا في الفيلم الأصلي، أما يوسف عمر فكان بيجسد شخصية "إمام" اللي قدّمها زمان شكري سرحان.

مسلسل "شباب امرأة" شارك فيه نخبة من النجوم، منهم محمود حافظ، عمرو وهبة، جوري بكر، طارق النهري، وشايما الشريف، وهو من تأليف محمد سليمان عبد المالك، إخراج أحمد حسن.