حالة من الغضب عاشها الإعلامي شريف مدكور بعد انتشار شائعة وفاته على السوشيال ميديا، الخبر الكاذب انتشر بسرعة، وخلّى ناس كتير تتواصل معاه تطمّن، لكن أكتر واحدة اتأذت كانت والدته، اللي كانت قاعدة لوحدها وشافت الخبر بالصدفة، فاتخضّت جدًا وافتكرت إنه حصل له حاجة فعلًا، خصوصًا إنه كان مسافر وقتها.

شريف خرج في تصريحات واضحة وقال إنه مش هيسكت، وإنه بالفعل قرر يرفع قضية على السيدة اللي نشرت الخبر، وكتب اسمها بالكامل، مؤكدًا إنها أذته نفسيًا هو وأسرته، وده مش مقبول بأي شكل.

كمان عبّر عن ضيقه من استباحة حياته الشخصية، وقال: "مفيش احترام لحياة الناس، ومش كل حاجة تنفعتبقى تريند، في مشاعر وأهالي وأثر نفسي بيحصل."

شريف أكد إنه بخير، وطلب من الناس ما يصدقوش أي حاجة تتنشر بدون مصدر موثوق، خصوصًا في موضوعات حساسة زي الوفاة.