أحمد العوضي راجع بمفاجأة قوية في موسم رمضان الجاي، من خلال مسلسل جديد اسمه "علي كلاي"، بيقدم فيه شخصية ملاكم محترف لأول مرة في مشواره، والمسلسل من إنتاج شركة سينرچي.

المسلسل من تأليف محمود حمدان وإخراج محمد عبد السلام، وده نفس التيم اللي اشتغل معاه السنة اللي فاتت في مسلسل "فهد البطل".

العوضي بيعمل دلوقتي تدريبات مكثفة على الملاكمة وتحضيرات بدنية علشان يتقن الدور، وكمان بيصور مشاهد داخل دار أيتام، لأن شخصية "علي" مش بس ملاكم، لكنه كمان راجل عنده بعد إنساني بيهتم بالأطفال اليتامى.

وفي مفاجأة درامية ضمن الأحداث، "علي" هيدخل مصحة نفسية بسبب صراعات داخلية وضغط نفسي، ودي أول مرة العوضي يدخل منطقة نفسية بالشكل ده في أعماله.

المسلسل لسه في مرحلة التحضيرات، وهيتم تصويره خلال الشهور الجاية، علشان يكون جاهز لعرضه في رمضان 2026.