بما إننا في الصيف، وبناكل فاكهة كتير، خبيرة تغذية بريطانية قالت إن مش كل الفواكه مناسبة كأول حاجة ناكلها الصبح، وفي فواكه ممكن تكون أسوأ اختيار للفطور، ويُفضل تتجنبها رغم إنها شهيرة ومحبوبة.

البطيخ بكل أنواعه

مرتبة في القائمة الأولى كأفضل أسوأ فاكهة بالنسبة لبداية اليوم، لأنها مليانة مياه وفيتامين C وبعضها فيه فيتامين A، لكن قليلة الألياف والعناصر الغذائية، وغنية بالسكر الطبيعي بشكل معتدل.

الأناناس

في المرتبة الثانية من الأسوأ، بسبب نسبة السكر العالية وحموضته اللي ممكن تأثر على اللثة، رغم ده هو غني بفيتامين C وإنزيم البروميلين المفيد للهضم ومضاد للالتهابات

الموز والعنب

اتشاركوا في المرتبة الثالثة، هما فعلاً مشهورين كـ إفطار سريع وسهل الهضم، لكنهم غنيين بالسكر، رغم إنهم مصدر ممتاز للبوتاسيوم، فيتامين B6، وألياف للطاقة السريعة ودعم للقلب.

الفواكه اللي يُفضل تبدأ بيها يومك: البرتقال، الكيوي، التوت، الفراولة، التفاح، المانجو، لإنها غنية بالألياف، يعني اختيار ممتاز للطاقة.