في قصة أغرب من الخيال، راجل أسترالي اسمه ليس ستيوارت قرر يكتب كل الأرقام من "واحد" لحد "مليون" بإيده على آلة كاتبة، واستمر في المشروع ده 16 سنة كاملة لحد ما خلصه فعلاً!
الراجل بدأ الفكرة سنة 1982، وكان بيكتب كل يوم شوية، لحد ما خلصها يوم 7 ديسمبر 1998.
اللي زاد الموضوع صعوبة إنه كان بيعاني من شلل جزئي، فكان بيكتب بإصبع واحد بس، وده خلى إنجازه يبان أصعب وأغرب في نفس الوقت.
مش بس كده، "ليس" استخدم 7 آلات كاتبة وكتب حوالي 19 ألف صفحة، واستهلك أكتر من ألف شريط حبر! وكان بيكتب يوميًا بمعدل 3 صفحات تقريبًا، يعني كل ساعة كان بيكتب 20 دقيقة ويرتاح الباقي.
اللي خلاه يعمل كده إنه كان عايز يثبت لنفسه إن الإرادة أقوى من أي إعاقة، وفعلاً قدر يدخل موسوعة جينيس للأرقام القياسية عن إنجازه ده.
الغريب كمان إن "ليس" كان معروف قبلها بإنجاز غريب تاني، لما فضِل عَايم في الميه 30 ساعة متواصلة من غير ما يوقف.
