أثار الفنان عمرو يوسف جدل كبير بعد تصريح قاله في المؤتمر الصحفي لفيلم "السلم والثعبان 2"، واللي اعتبره ناس كتير لفظ غير لائق.

فقال خلال لقائه في بودكاست "السبت الممتاز" مع إياد الموجي: "الناس عارفة إني شخص كويس وإن ألفاظي مش كده، وكنت نازل المؤتمر على لحم بطني، وكنت خايف من ردود الفعل على الفيلم والتوتر خلاني أقول كلام غلط، وأنا بعتذر لأي حد اتضايق مني بسبب المعنى اللي قولته وأنا ما قصدتوش والجرأة في الفكرة ومهما شتمت مش هقدر أقول ألفاظ في الشارع، وبعتذر لكل حد وصلته مني رسالة مش مقصودة بالجملة دي".

عمرو يوسف وضح كمان إن الجرأة اللي يقصدها في الفيلم مش مرتبطة بألفاظ أو مشاهد، لكن بـ فكرة العمل نفسه وبالتفاصيل اللي بيقدمها عن أزمة منتصف العمر، وإنه اتفاجئ إن الكلام اتاخد بالشكل ده واتفسر غلط.