النهارده 8 ديسمبر، عيد ميلاد حبيبة الملايين عبلة كامل، فنانة التقني الأولى، وأدوراها طالعة من قلبها مش شغل تمثيل، وحقيقي غيابها سايب فراغ كبير على الشاشة محدش عارف يملاه.
وبما إنها وحشتنا تعالوا نفتكر أكتر أدوارها اللي بنحبها:
"جليلة" في حديث الصباح والمساء
مين فينا ينسى مشاهد البخور ولا كلامها مع أبو الحسن، مشعوذة آه بس متقدرش متحبهاش، مبتأذيش بالعكس، عبلة كامل من شدة تقمصها للدور قالت عنها الراحلة دلال عبد العزيز"كنت بخاف منها وإحنا في التصوير".
"فاطمة" في لن أعيش في جلباب أبي
علامة في تاريخها، مشاهدها مع عبد الغفور الراحل "نور الشريف" ميتشبعش منها، وطبعًا ستايل لبسها محفور في ذاكرتنا، بجلابيتها وشخشخة غوايشها الذهب.
"فرنسا" في خالتي فرنسا
الدور ده قدمته مرتين أول مرة كان في فيلم "اللمبي"، وبعدها هنا في خالتي فرنسا، والحقيقة إنه كان من أحلى أدوارها، طلع منها شخصية شعبية حقيقية جدًا.
كل سنة وأنتي طيبة يا حبيبة قلوبنا.
