أعلنت أسرة عبد الحليم حافظ عن فتح بيت العندليب في الزمالك للزوار رسميًا، سواء إلكترونيًا أو فعليًا، بعد ماكان مقفول لفترة طويلة، وده بحسب الموقع الرسمي للبيت، اللي بيقدم جولات افتراضية 3D، لكل اللي عايزين يشوفوا مقتنيات العندليب ويستكشفوا البيت من أي مكان.

وكمان، البيت هيستقبل الجمهور فعليًا بداية من 30 مارس، في ذكرى وفاة الفنان، ماعدا يوم الأربعاء والجمعة، الزيارة مجانية ومطلوب الحجز المسبق من الموقع الرسمي عشان ينظموا الدخول ويضمنوا راحة الزوار.

الأسرة أكدت إن أي محاولات دخول البيت من غير حجز أو عبر أي جهة تانية ممنوعة تمامًا، وكل الأخبار عن رسوم أو زيارات تجارية مش صحيحة، الهدف الرئيسي هو الحفاظ على إرث عبد الحليم وتمكين الجمهور من التعرف عليه بشكل آمن ومنظم.

وبدأ حاليًا تسجيل بيت عبد الحليم حافظ ضمن التراث الفني لليونسكو، وبتدعو أسرته الجمهور لدعم المشروع بتقييم زيارتهم للمنزل على خرائط جوجل، لإن كل تقييم إيجابي بيقرب خطوة لتخليد اسم العندليب عالميًا.

ده الموقع الرسمي لحجز زيارة بيت العندليب: halimhouse.com