حسمت شركة مصر للطيران الجدل اللي انتشر على مواقع التواصل الاجتماعي خلال الساعات اللي فاتت، بعد تداول فيديو بيزعم إن طيارة تابعة للشركة عملت هبوط اضطراري على الطريق الدائري في القاهرة.

وأكدت مصر للطيران في بيان رسمي، إن الكلام ده غير صحيح تمامًا، وإن الفيديو المتداول مفبرك ومصنوع باستخدام تقنيات الذكاء الاصطناعي، ومفيش أي طيارة تابعة للشركة حصل لها هبوط اضطراري على أي طريق داخل مصر.

الشركة شددت إن جميع رحلاتها آمنة ومنتظمة، وإن المجال الجوي والمطارات المصرية شغالة بشكل طبيعي، ومفيش أي بلاغات أو حوادث من النوع ده حصلت مؤخرًا.

وأكدت الشركة إنها هتتخذ الإجراءات القانونية اللازمة ضد أي شخص أو جهة شاركت في نشر الفيديو الكاذب، لما بيسببه من إثارة للقلق وتضليل للرأي العام والإضرار بسمعة الناقل الوطني.