بما إننا رسميًا في موسم المشروبات السخنة، يبقى مفيش أحلى من الهوت شوكليت علشان يدفينا ويدينا جرعة سعادة، وفي المقال ده جمعناكم اماكن بتعمل هوت شوكليت مظبوط وجودته مضمونة.
Maison Choc
هما أصلًا محل شوكولاتة، ومش أي شوكولاتة، الهوت شوكلت عندهم معمول بطريقة مختلفة خالص، والأهم إن جودته عالية مقابل سعره.
هتلاقوا تفاصيل عنهم هنا.
Koffe Kulture
لو عايز هوت شوكليت مظبوط، متترددش وروح كوفي كلتشر، طعمه واضح شوكولاتة من غير إضافات كتير، ده غير إنهم عندهم تشكيلة مشروبات شتوية خطيرة.
هتلاقوا تفاصيل عنهم هنا.
Dolato
كريمي وناعم ومن أحلى المشروبات عندهم، مع إن المكان مشهور بالجيلاتو أصلًا، عندهم كمان Tiramisu Hot Chocolate حاجة لذيذة وفخمة.
هتلاقوا تفاصيل عنهم هنا.
Chocolate Factory
معمول من قطع شوكولاتة دارك وبيضاء بتسيح في اللبن السخن، فالقوام تقيل وطعمه واضح من أول متدوقه، وحجمه كمان كبير ومشبع.
هتلاقوا تفاصيل عنهم هنا.
VASKO
عندهم الهوت شوكلت البلجيكي الغني اللي قوامه تقيل وطعمه شوكولاتة بجد، وغالبًا بيتقدم مع طبقة كلاسيكية من الشوكولاتة أو المارشميلو.
هتلاقوا تفاصيل عنهم هنا.
