هاني شاكر نفى بشكل قاطع كل الكلام اللي منتشر الفترة دي، عن إن ثروته وصلت مليار دولار أو أرقام خرافية زي كده، وقال في برنامج تلفزيوني إن طوال مشواره الفني هو اهتم بـ الفن بس، ومفيش أي شغل تجاري ضخم عمله يخليه معاه ثروة بالمعنى ده، وإن الأرقام الكبيرة دي مش حقيقية خالص.
وقال كمان إن أكبر مبلغ صرفه مؤخراً كان على تشطيبات بيته الجديد، واللي كلفته حوالي 50 مليون جنيه مصري، يعني أكتر من مليون دولار.
كمان نفى إنه يفكر يتجوز تاني حتى وقت الخلافات، وقال: فين ألاقي زيها؟، وبرضه استبعد تمامًا إنه يستخدم الذكاء الاصطناعي علشان يعوض صوته لو حصل له أي حاجة في المستقبل.
