نانسي صلاح كانت ضيفة في برنامج "قعدة ستات" مع مروة صبري، واتكلمت عن أزمة مرت بيها مؤخرًا، منعتها من التواجد أو العمل في الوسط الفني بشكل طبيعي.

نانسي قالت إنها اتعرضت لسحر على شعرها عشان يقع، وإنه اتعمل لها "عمل" من اتنين فنانات في الوسط، وهي عندها معرفة بيهم، بس الشيخ اللي فك السحر رفض يقولها مين عمله بالظبط.

وشرحت إن شعرها كان جميل وتقيل، وبعد اللي حصل بدأ يتساقط لدرجة إنها بقت مضطرة تستخدم اكستنشن، ولما فكوا السحر حست بانهيار شديد، وقالت إن اللي عمل السحر نفوسهم مريضة وإن الغيرة كانت السبب.

من جانب تاني، نانسي كمان قالت إنها معندهاش صداقات حقيقية في الوسط، وكل الناس بالنسبة لها زملاء شغل، خاصة إنها متراقبة من أشخاص مؤذية علشان لو جالها شغل يمنعوه.