في صفقة تاريخية في عالم صناع المحتوى، تم الإعلان عن بيع الحقوق التجارية لأشهر تيك توكر في العالم، خابي لام (Khaby Lame)، لصالح شركة عالمية مقابل حوالي 900 مليون دولار.

الصفقة بتمنح الشركة حق استخدام صورة خابي لام وأسلوبه وشخصيته الرقمية في إنتاج محتوى وفيديوهات بالذكاء الاصطناعي، من غير الرجوع له بشكل مباشر، وده ضمن اتفاق مش إعلان ولا تعاون مؤقت مدته 3 سنين.

وحسب الاتفاق، تقدر الشركة تستخدم صورة خابي لام تجاريًا، وتستغل ملامحه وأسلوبه المميز في الإعلانات والمحتوى الرقمي، وكمان إنشاء نسخة رقمية منه بالذكاء الاصطناعي تحاكي طريقته في الأداء وردود أفعاله، مع تقديم لايفات مباشرة متعددة اللغات على مدار الساعة وطوال أيام الأسبوع.

وبيتوقع المحللين الاقتصاد الرقمي، إن العائدات السنوية الناتجة عن الإعلانات والبث المباشر المرتبطة بالشخصية الرقمية لخابي لام ممكن توصل لحوالي 4 مليارات دولار، وهو رقم بيؤكد إن صناع المحتوى أصبحوا أصول استثمارية حقيقية في سوق التكنولوجيا والإعلام الجديد.

خابي لام، شاب سنغالي عنده 25 سنة، اتحول من صانع محتوى لبراند عالمي رقمي، بعد ما بدأ رحلته بفيديوهات صامتة وبسيطة على تيك توك، اعتمد فيها على حركة إيده الشهيرة ونظراته التعبيرية، ونجح في بناء قاعدة جماهيرية عالمية وصلت لـ 360 مليون متابع على مختلف منصات التواصل الاجتماعي، وبقى من أقوى الوجوه الرقمية في العالم.