تصدرت الفنانة عبلة كامل التريند، بعد انتشار أخبار بتتكلم عن مشاركتها في إعلان رمضاني ضخم متوقع عرضه في رمضان 2026، وده بعد غياب 8 سنين عن الساحة الفنية.
وبحسب اللي نشره أكتر من موقع إخباري، من بينهم "خبر أبيض"، الإعلان تم تصويره بالفعل على مدار 5 أيام في أكثر من موقع جوه مصر، زي مدينة أسوان.
هتقدم نانسي عجرم أغنية الإعلان، وبيشارك في الإعلان حوالي 15 نجم منهم منة شلبي، ياسمين عبدالعزيز، نيللي كريم، محمد ممدوح، أسماء جلال، أمير عيد. وقام بإخراجه محمد شاكر.
وكانت عبلة كامل خرجت من عزلتها الفترة اللي فاتت بعد سنين من الابتعاد عن الفن، عشان تطمن جمهورها على صحتها وترد على الشائعات اللي انتشرت عنها.
