أعلنت هيئة الأرصاد الجوية المصرية إن الجو هيتغيّر في مصر بداية من بكرة الثلاثاء ولحد السبت الجاي، مع انخفاض ملحوظ في درجات الحرارة على شمال البلاد لحد شمال الصعيد، بعد موجة الحر اللي كانت مسيطرة الأيام اللي فاتت.

خلال الفترة دي، الجو هيبقى بارد نسبيًا الصبح بدري والليل متأخر، ومعتدل في ساعات النهار على أغلب أنحاء الجمهورية، مع فرق واضح في الإحساس بالحرارة مقارنة بالأيام اللي فاتت.

كمان متوقع نشاط في حركة الرياح على مناطق متفرقة، وده ممكن يسبب أتربة ورمال في الأماكن المكشوفة ويقلل الرؤية أوقات، خصوصًا على الطرق المفتوحة.

ودي قائمة بدرجات الحرارة المتوقعة خلال الأيام الجاية بالقاهرة:

الثلاثاء: 24° - 13°

الأربعاء: 23°– 13°

الخميس: 22°– 12°

الجمعة: 23°– 12°

السبت: 23°- 13°