أجواء رمضان في كل شبر فيكي يامصر، ورمضان يعني الخير يعم على الكل، علشان كده هنعرفكم على أهم الجمعيات الخيرية الموثوقة في مصر، اللي من خلالها تقدروا تساعدوا المحتاجين بشنط رمضان أو بوجبات فطار وسحور للصائمين طول شهر رمضان:

جمعية رسالة

تقدر من خلال جميعة رسالة تشارك بتكلفة كرتونة رمضان وتمنها 300 جنيه، أو شارك بـ 75 جنيه تكلفة وجبة إفطار صائم ووجبة سحور بـ30 جنيه، وطرق تانية مختلفة. اعرفوا كل تفاصيل المشاركة من صفحتهم على فيسبوك.

جمعية الأورمان

الأورمان عاملة أنواع مختلفة من كرتونة رمضان: (8,250 كليو بـ 350 جنيه أو 12 كيلو بـ 505 جنيه أو 20 كيلو بـ 770 جنيه)، وممكن تشارك في مائدة إفطار 5 مليون صائم بوجبة تكلفتها 75 جنيه. طرق التبرع وأرقام التليفونات كلها موجودة على صفحتهم على  فيسبوك.

بنك الطعام المصري

كرتونة "أطعم وأكرم" مع بنك الطعام بتنقسم لـ (فئة 1550) و(فئة 450) و(فئة 770)، عاملين كمان سهم مائدة تكية المحروسة اللي بيبدأ من 1000 جنيه، أو ضاعف خيرك وساهم في إفطار وسحور أسر كاملة، وامنحهم حرية اختيار احتياجاتهم الغذائية بنفسهم من خلال كوبون "أطعِم وأكرِم" بقيمة 450 أو 750 جنيه. ادخلوا على صفحتهم على فيسبوك.

مؤسسة مصر الخير

السنة دي مصر الخير عملت كرتونة فيها كل اللي هتحتاجه أسر كتير في شهر رمضان، بـ450 جنيه كرتونة أو سند عيلة بـ3000 جنيه تكفيهم طول الشهر. تفاصيل المشاركة والتبرع كلها على صفحتهم على  فيسبوك.

يا أهلًا بشهر الخير.