خلصت تقاليع أكلات وحلويات رمضان، دخلنا على أغلى علبة كحك في مصر، واللي وصل سعرها لحوالي 39 ألف جنيه، طيب ليه؟! هتعرفوا في السطور الجاية..

مبدأيًا كده العلبة مش تقليدية خالص، معمولة على شكل خزنة إلكترونية، وبتتفتح إما ببصمة الأصابع أو برقم سري، وكمان ممكن التحكم في فتحها وقفلها من خلال تطبيق على الموبايل، في محاولة لدمج الفخامة مع التكنولوجيا في هدايا العيد.

والموضوع ما وقفش عند الشكل بس، لأن العلبة فيها مميزات تكنولوجية كمان، منها إنها بتطلع رسالة ترحيبية من سماعات داخلية أول ما تتفتح، بالإضافة لوجود منفذ شحن Type-C علشان الأنظمة الإلكترونية اللي فيها تفضل شغالة.

أما من ناحية المحتوى، فالعلبة بتضم:  باكت كعك ساده، باكت كعك، 2 كعك عين جمل، 2 باكت كعك فستق، باكت معمول تمر، باكت معمول فستق، باكت غريبه لوز، باكت غريبة فستق، باكت بسكوت برتقال، برتقال، 2 باكت بيتي فور لوكس، 2 باكت بسكوت نشادر، باكت بسكويت شوكولاتة، 2 باكت بسكوت اسبشيال، باكت كوكيز شوكولاتة، باكيت كوكيز ميلك، باكت برازق فستق.