نزلت شركة مصر للطيران بيان رسمي بتعبر فيه عن استيائها الشديد من مشهد في عمل سينمائي منتشر على السوشيال ميديا، استخدام فيه الزي الرسمي لطاقم الضيافة بشكل وصفته إنه "غير لائق".

الشركة قالت إن المشهد ده بيشوه صورة أطقمها اللي دايمًا بتمثل مصر بشكل محترم قدام العالم، ورفضت تمامًا إن اسمها أو زيها يتستخدم بالشكل ده تحت اسم الإبداع الفني.

وكمان أكدت إنها هتتخذ الإجراءات القانونية اللازمة، بسبب استخدام اللوجو والزي الرسمي من غير إذن، ضمن أحداث العمل، وده سبب لها ضرر معنوي.

رئيس الشركة كمان شدد إن طاقم الطيران طول عمره صورة مشرفة لمصر، وإنهم على أعلى مستوى من الاحترافية، والشركة فخورة بيهم جدًا.

وفي نفس الوقت، وضحت مصر للطيران إنها مش ضد حرية الفن، بالعكس اشتغلت قبل كده مع صناع أعمال كتير، بس لازم أي حد يرجع لهم قبل ما يستخدم اسم الشركة أو زيها الرسمي.

وفي الآخر، وجهت رسالة مهمة لصناع الدراما إنهم ياخدوا بالهم من صورة المهن دي، لأنها مرتبطة بثقة الناس وسلامة الركاب.