كعادته سبب الفنان فتحي عبدالوهاب حالة جدل على مواقع التواصل الاجتماعي، بعد ما فاجئ جمهوره بظهور مختلف تمامًا، خلى ناس كتير تسأل هو بيحضر لإيه الفترة الجاية؟
عبدالوهاب نشر صورة على فيسبوك، ظهر فيها بلوك غير تقليدي، ذقن تقيلة وشعر طويل، وبدون ملابس من الجزء اللي فوق، وطبعًا ده شكل مختلف وغامض، وكتب تعليق مختصر جدًا: "قريبًا"، من غير أي توضيح أو تفاصيل عن سبب التغيير أو العمل اللي ممكن يكون وراه.
ورغم إنه نشر نفس الصور بنفس التعليق من فترة، لكن بمجرد ما نزلت انهالت عليها تعليقات متابعين، ما بين ناس شايفة إن اللوك ده تمهيد لدور جديد وتقيل، وناس تانية خدت الموضوع بخفة دم وبدأت تهزر على شكله.
يُذكر إن آخر ظهور درامي لـ فتحي عبدالوهاب كان من خلال مسلسل المداح، واللي اتعرض في رمضان اللي فات وحقق نجاح ملحوظ، وظهر فيه بشكل مختلف برده ولفت الأنظار بأدائه.
