نشرت الفنانة عفاف مصطفى على فيسبوك، صورة جمعتها بـ عصام يوسف طفل فيلم "تيتو" واللي قدم دور رضا بجانب أحمد السقا.
وعلقت: "فجأة وأنا في سينما أمريكانا لقيت الشاب القمر ده بيحضني ويقولي ٢٢ سنة ما شفتكيش يا ماما، أنا ابنك رضا في فيلم تيتو، أجمل مفاجأة فعلاً لأني كنت بتخيله بقى شكله إيه يا ترى، لكن ماكنتش شفته من بعد التصوير، وأصبح أب كمان يعني أنا بقيت جدة".
تصدرت الصورة تريند مواقع التواصل الاجتماعي، وبدأ الجمهور يقارن شكله زمان بشكله دلوقتي، خاصة إن من وقت الفيلم تقريبًا مظهرش على الساحة الفنية.
وقال عصام إن ابتعد تمامًا عن التمثيل، وتفرغ لدراسته، وهو حاليًا بيشتغل مهندس بترول، وكون أسرة وأطفال.
