أسرة الفنان الراحل عبدالحليم حافظ أعلنت عن رغبتها في إنتاج فيلم سينمائي ضخم بيتناول المسيرة الفنية والإنسانية للعندليب الأسمر، زي فيلم السيرة الذاتية المعروض حالياً “Michael”، اللي بيحكي القصة الكاملة لحياة أسطورة الغناء مايكل جاكسون.

وأكدت الأسرة ترحيبها الكامل بتصوير المشاهد الأساسية للعمل داخل منزل عبدالحليم حافظ، علشان الفيلم يكون أكتر واقعية ومصداقية أكبر.

وقالت في في بوست نشرته على فيسبوك: “نحن كعائلة مستعدين نقدم كل الدعم والمساعدة بكل المعلومات والتفاصيل والأسرار الفنية اللي تخلي العمل ده مختلف عن أي حاجة اتقدمت قبل كده”.

وأضافت: “مستعدين كمان إن تصوير الجوانب الشخصية والإنسانية والفنية يتم داخل منزل عبدالحليم، عشان يكون قريب من الواقع، وتكون دي أول مرة يتم فيها تصوير عمل فني بإبهار بصري داخل منزل حليم”.

وأشارت الأسرة إن حياة عبدالحليم الشخصية والفنية تستحق أكتر من عمل، عشان يتم عرض كل الجوانب من بداية حياته لحد وفاته، وقالت إن لسه فيه تفاصيل كتير جدًا ما اتعرضتش عنه قبل كده، وإنه كان وما زال أسطورة الغناء في الوطن العربي، وقاعدته الجماهيرية لسه بتزيد رغم إنه توفى من أكتر من نصف قرن.

ولفتت كمان إلى إن الفنان محمود عزازي هو الأنسب لتجسيد شخصية عبدالحليم، وإنه فيه تواصل قريب هيحصل مع المنتجين وصناع السينما لتنفيذ العمل بشكل استثنائي يليق بحليم.