لو نفسك تروح حفلة من الآخر؟ يبقى أنت في المكان الصح، جمعنالك حفلات مش هتلاقيها في أي حتة، ما هو الهضبة نجم حفلات الأسبوع ده، ومش بس كده هتلاقي كمان خروجات مميزة لإجازة مش عادية!
يالا بينا نشوف:
الخميس 30 أبريل
مزاهر في مكان
فرقة مزاهر هتقدم حفلتين في مكان، سعر التذكرة: 300 جنيه.. التفاصيل هنا.
علي الهلباوي في الساقية
قاعة الحكمة بساقية الصاوي. هتستقبل الفنان والمنشد على الهلباوي. سعر التذكرة: 200 جنيه. التفاصيل هنا.
ألحان محمد فوزى ومنير مراد في نوار
نوار بتدعوكم لسهرة مميزة هتجمع بين ثنائي الخفة واللطافة محمد فوزى ومنير مراد، استمتعوا بألحانهم وأغانيهم.. التفاصيل هنا.
الجمعة 1 مايو
عمرو دياب في الجامعة الأمريكية
حفلة جديدة مع الهضبة عمرو دياب في الجامعة الأمريكية.. التفاصيل هنا.
سهرة سينمائية في محمية وادي دجلة
استمتعوا بسحر السينما في الهواء الطلق في محمية وادي دجلة بالمعادي، مع عرض فيلم "The Lion King" وسط الطبيعة تحت السماء والنجوم.. التفاصيل هنا.
أوبريت الليلة الكبيرة في تياترو أركان
استمتعوا بـ أوبريت الليلة الكبيرة اللي كلنا حبيناه في طفولتنا مع عرض العرائس المتحركة، في تياترو أركان.. التفاصيل هنا.
ديسكو مصر في كايرو جاز
احتفلوا مع ديسكو مصر بألبومهم الجديد في كايرو جاز كلوب.. التفاصيل هنا.
السبت 2 مايو
عرض "فرايداي" في المسرح
استمتعوا بعرض "فرايداي" أول عرض موسيقي من نوعه في مصر، حدوتة إنسانية عن الفن وتحقيق الأحلام.. التفاصيل هنا.
معرض "فان جوخ" التفاعلي في ديستركت 5
عشاق الفن! استعدوا لتجربة فنية مختلفة تمامًا عن أي معرض تقليدي، معرض “Beyond Van Gogh” أو “ما وراء فان جوخ” التفاعلي في مول ديستركت 5- القاهرة الجديدة.. التفاصيل هنا.
