أعلن الجهاز القومي لتنظيم الاتصالات رسميًا زيادة أسعار بعض خدمات الاتصالات في مصر بنسبة من 9% لـ15%، وده هيطبق على بعض الباقات مش كلها.

وفي نفس الوقت تم طرح باقات أرخص زي باقة إنترنت أرضي بـ150 جنيه بدل 210، وكمان باقة موبايل بـ5 جنيه، مع إتاحة المواقع الحكومية والتعليمية مجانًا حتى بعد انتهاء الباقة.

وبرغم من كده، في خدمات هتفضل زي ما هي من غير أي تغيير، زي سعر دقيقة المكالمات (ثابت ومحمول)، وكروت الشحن، وكمان المحافظ الإلكترونية.

القرار ده بسبب زيادة تكاليف التشغيل زي الكهرباء، الوقود، وسعر الصرف، وكمان عشان الشركات تقدر تطور الشبكات وتحسن جودة الخدمة.