في لقطة عفوية كعادته في معظم حفلاته، لفت الهضبة عمرو دياب الأنظار خلال إحيائه حفل زفاف ابنة رجل الأعمال باسل سماقية، بعد انتشار فيديو جمعهم على المسرح.

وظهر باسل سماقية وهو ماسك الميكروفون جنب الهضبة وبيقول: "عمرو دياب لا قبله ولا بعده"، قبل ما عمرو يحاول ياخد منه الميك وسط ضحك وهزار بين الاتنين.

وعلق عمرو دياب بطريقة كوميدية مسترجعًا موقفه الشهير مع يسرا، وقال: "المرة اللي فاتت جيت بشد الميك قالوا مش عارف بيعمل إيه"، في إشارة للجدل اللي حصل وقتها.

وكمل الهضبة بهزار: "أنا مش بحب حد يقوللي كده.. أنا راجل متواضع جدًا.. متواضع أوي، ومحشي حد يقولي كده"، وهنا كان يقصد (ميحبش حد يشكر فيه).

وكان عمرو دياب تصدر التريند في أبريل اللي فات، بعد موقف جمعه بيسرا في فرح ابنة المنتج محمد السعدي، لما حاولت تاخد الميكروفون منه وتشكر فيه قدام الحضور، لكنه سحبه بسرعة والناس فهمته بطريقة مختلفة. 

(شوفوا الفيديو من هنا)