طبعًا كلنا ماشين اليومين دول بنغني "يا مصر بتعمليها إزاي"؟، خاصة بعد فرحة فوزنا في كأس العالم، وعلشان محتاجين نشكر صناع الأغنية اللي جمعونا على أغنية واحدة حبيناها كلنا بالشكل ده، يالا نعرف عملوا الأغنية الرائعة دي إزاي؟

مبدأيًا كده الأغنية اسمها "هنا مصر هفضل كل مرة أجيلك"، تم طرحها لأول مرة يوم 23 فبراير على قناة "بنك مصر" على يوتيوب، كـ فيديو كليب لحملة دعائية، بصوت النجمين بهاء سلطان ومحمود العسيلي.

ولكن، بمجرد نزولها في رمضان اللي فات 2026، الأغنية خدت اتجاه تاني خالص، وكل اللي سمعها حبها، سواء مصريين أو عرب أو حتى أجانب، وتم استخدامها على فيديوهات بتعبر عن جمال مصر، أو حتى على لقطات لطيفة للمصريين في الشارع المصري.

الأغنية من كلمات منة القيعي بالاشتراك مع خالد عصام اللي كتب بالتحديد جملة "يا مصر بتعمليها إزاي"، وألحان محمود العسيلي وأحمد طارق وخالد عصام، وتوزيع أحمد طارق يحيى.

كمان أغنية "يا مصر بتعمليها إزاي"، محققة ملايين المشاهدات على مواقع التواصل الاجتماعي، وبقت الاغنية الرسمية لمصر، واللطيف إنها ميكس لذيذ كده، بيجمع بين حبنا لمصر وبين التاتش الكوميدي اللي بيتميز بيه المصريين.