وسط ما السوشيال ميديا مغرقانه نصائح عن كل حاجة في حياتنا، من نظم عذائية معينة عشان صحتنا تكون أحسن، لقصص ومواقف يومية علشان ناخد منها خبرة، إحنا النهارده قدام عصارة خبرة أكتر من 100 سنة! علشان تقولنا سر حياتها واللي طلع أبسط بكتير مما نتخيل.

وكشفت إيثيل كاترهام، أكبر معمرة في العالم، واللي احتفلت بعيد ميلادها الـ117، إن من أهم أسباب وصولها للسن ده إنها كانت بتتجنب الجدال. وقالت إنها عمرها ما كانت بتحب تجادل حد، وكانت بتسمع للناس وتعمل اللي هي عايزاه.

عاشت أكتر من قرن شهدت خلاله أحداث وتغيرات كبيرة في العالم، من الحربين العالميتين لحد التطور الهائل في التكنولوجيا والطب ووسائل النقل والاتصالات.

ورغم سنها الكبير، فضلت نشيطة ومستقلة لسنوات طويلة، وكانت بتسوق عربيتها لحد سن 97 سنة، أما لقب أكبر معمرة في التاريخ، لسه من نصيب الفرنسية جان كالمينت، اللي عاشت 122 سنة و164 يومً.