لو بتحب السينما والبحر، إسكندرية بتحضرلك تجربة مختلفة تمامًا.. سينما بس مش بالشكل التقليدي اللي متعودين عليه، لأن التجربة الجديدة في منطقة المنتزه بتجمع بين مشاهدة الأفلام وأجواء البحر في نفس الوقت.

الفكرة ببساطة إنك مش هتروح تقعد في قاعة سينما مقفولة وتتفرج على الفيلم بالشكل التقليدي، لكن التجربة مصممة عشان البحر يكون جزء أساسي من الخروجة.

وبحسب التفاصيل المتداولة عن الفكرة، المراكب هتكون مكان جلوس الجمهور بدل كراسي السينما، بحيث يقدر المشاهد يتابع الفيلم وهو وسط البحر، في تجربة مختلفة تجمع بين السينما وأجواء الصيف.

السينما هتكون في منطقة المنتزه بالإسكندرية، وهيتم توفير وسائل للراحة والأمان والترفيه للجمهور، منها لايف جاكيت، ومشروبات ومأكولات يتم تقديمها للمشاهدين داخل المراكب، بالإضافة إلى وجود حمامات.