كشفت الفنانة نسرين أمين سبب عدم خوضها تجربة الزواج مرة تانية، مؤكدة إنها لحد دلوقتي مقابلتش الشخص اللي تحس ناحيته بالإعجاب والانبهار اللي يخليها تاخد خطوة الارتباط.

وقالت نسرين أمين، خلال لقائها مع الإعلامية لميس الحديدي في برنامج "الصورة مع لميس": "عشان أرتبط بحد وأتجوزه لازم أحبه، وعشان أحبه لازم أبقى مبهورة بيه، أنا بقى مقابلتش أي حد مبهر خالص".

وأضافت إنها بتحب الراجل المحترم والمؤدب وابن الناس، لكن رغم مقابلتها لناس بالمواصفات دي، لسه ملقتش الشخص اللي يخليها تحس بالانبهار بشخصيته وتقول: "إيه الشخصية دي".