ورق العنب أكلة بيتكتب فيها كلمات حب وغزل ترضي احتياجات أي بنت، والحقيقة يستاهل، صحيح كل بلد بتعمله بطريقتها، بس في النهاية مانختلفش على لذاذته.
والمرة دي إحنا مش قدام وصفة جديدة لتحضير ورق العنب لأ؟ إحنا قدام طبق ورق عنب مطلي بالذهب بيتقدم في مطاعم الكويت! لو مستغرب زينا كمل السطور الجاية:
نشر فود بلوجر اسمه" bal3ah" تجربته مع بوكس ورق عنب مطلي بالذهب عيار 24 بيتقدم في مطعم كويتي. وقال إن البوكس بيضم 60 حبة وسعره حوالي 2000 دينار يعني حوالي 6500 دولار، أما طعمه فقال إنه طعمه فعلًا ذهب صالح للأكل، والأغنياء بس اللي عارفين طعمه.
