ناس كتير فاكرة إن المحمول ابتكار حديث نسبيًا، لكن الحقيقة إن أول مكالمة كانت زي الأيام دي بالتحديد سنة 1973، يعني من حوالي 50 سنة، حسب موقع "سكاي نيوز" البريطانية.

مارتن كوبر مهندس شركة "موتورلا"، هو أول شخص قام بإجراء أول مكالمة هاتفية في التاريخ، عن طريق وضع سماعة الهاتف على أذنيه، واستعان بعضلاته علشان يقدر يشيل المحمول، نظرُا لكبر حجمه في بداياته، وكانت أول مكالمة مع صديقه "جويل بيل"، اللي كان بيشتغل في شركة "إيه تي آند تي"، وكانت منافسة ليه وقتها.

ومن الوقت ده، حصلت تطورات كتير على اختراع الهاتف المحمول، واتحول حجمه لحد ما وصل لأشبه بجهاز كمبيوتر بيتشال في الجيب.